ထိုထိုလူ

ထိုထိုလူ

 ဘ၀မှာ…သင်ဆရာများစွာ ရှိသလို၊ ယခုလို သွားရင်းလာရင်းမှတ်သားစရာ၊ ဗဟုသုတများသင်ကြားပေးတဲ့ ကြားဆရာများလဲ
ရှိခဲ့ ပါတယ်။ ယခု ကြားဆရာတစ်ယောက်ပြောပြတဲ့ လူ့ အကြောင်းပြောပြပါမယ်။ ညခင်း ရုံးပိတ်ရက်လေးမှာ…ဆံပင်သွားညှပ်တော့၊
ဆိုင်မှာ…အန်တီကြီး တစ်ယောက်နဲ့ ဆုံမိတော့ ထွေရာလေးပါးပြောဆိုရင်း လောကတွင် လူ(၅)မျိုး ရှိတယ်ဆိုတဲ့အကြောင်းပြောပြပါတယ်။
ပထမတစ်မျိုးက အ၀တ်အစား ၀တ်ထားတဲ့ တိရိစ္ဆာန်သာသာလူစားတဲ့၊ အဲသလိုလူမျိုးတွေက အိပ်၊စား၊ကာမ ထိုသုံဝနဲ့ဘဲ ဘ၀ကို
အချိန်ကုန်နေကြ၊ တိရိစ္ဆာန်လိုပဲ စိတ်ကုးထဲပေါ်တာတွေ အကုန်လုံးလျှောက်လုပ်ကြ၊ အာရုံရရင် ရသလို ထင်ရာစိုင်းလိုက်ကြနဲ့
တကယ်တမ်းမှာ အ၀တ်အစားဝတ်ထားတဲ့ တိရိစ္ဆာန်ပါတဲ့။
လူငါးမျိုးထဲမှာ အနိမ်ဆုံးမျိုးအစားလို့ သရုပ်ခွဲပြပါတယ်။
ဒုတိယတစ်မျိုးကတော့ ပထမထက် အနည်းငယ်သာပါသတဲ့။ အဲဒါကတော့ အခွင့်အရေးသမားတွေတဲ့။သည်အမျိုးအစားကတော့
ဘယ်သူသေသေ ငတေမာပြီးရောဆိုတဲ့ စိတ်ဓာတ်နဲ့ ကိုယ့်အခွင့်အရေးအတွက် ဘာမဆို လုပ်ကိုင်ဆောင် ရွက်ဖို့ ၀န်မလေးသူတွေပါတဲ့။
တတိယတစ်မျိုးကကျပြန်တော့လည်း ဒုတိယအမျိုးထက် နည်းနည်းသာသွားပြန်ရောတဲ့။ အဲဒီတစ်မျိုးကတော့ ဘ၀ရပ်တည်မှုအတွက်အား
ထုတ်သူများပါတဲ့။သူတို့ကတော့ အတတ်ပညာ၊အသိပညာ၊ ၀ါသနာ၊အစွမ်းအစတစ်ခုခုကို ထုတ်သုံးပြီး ဘ၀ရပ်တည်ရေး အတွက်
ဆောင်ရွက်နေသူများဖြစ်ပါသတဲ့။သူတို့တွေကလည်း သူ့တို့ရပ်တည်မှုနဲ့ သူတို့ရဲ့ နေရာအတွက် ဘာကိုမဆိုလုပ်ကိုင်ဆောင်ရွက်ဖို့
ဝန်မလေးကြပြန်ဘူးတဲ့။
စတုတ္တတစ်မျိုးကတော့ စာရိတ္တမဏိုင်ကိုခိုင်အောင် ထိန်းသိမ်းသူများဖြစ်ပါတယ်။လျှာမှာ မြက်ပေါက်ပါစေ၊ သည်လိုအလုပ်ကိုဖြင့်
မလုပ်ဘူး၊ မိုးပြိုချင်ပြိုပါစေ၊ မတရားကတော့ မလုပ်ဘူးစသဖြင့် မိမိရဲ့ ယုံကြည်ချက်၊ ရပ်တည်ချက်ကိုအပွန်းအပဲ့မခံသူများဖြစ်ပါသတဲ့။
အဲ…နောက်ဆုံးတစ်မျိုးကတော့ သူတော်စင်များပါတဲ့။ မိမိရဲ့ ကိုယ်ကျိုးကို လုံးဝ ထည့်သွင်းစဉ်းစားခြင်းမရှိတော့ဘဲ အများအတွက်
ဆောင်ရွက်နေတာ၊ အများသူငါအပေါ် မေတ္တာစေတနာသန့်စင်စွာ ထားနိုင်တာ၊အတ္တအနည်းဆုံးနေနိုင်တာများနဲ့ပြည့်စုံနေသူ
သူတော်စင်များပါတဲ့။
အဲသလို(၅)မျိုးခွဲခြားပြသပေးတဲ့ အန်တီကြီး၏ စကားအဆုံးမှာ….ညခင်း ငိုင်ပြီးကျန်ရစ်ခဲ့ပါတယ်။သူ့စကားကို တနုံနုံစဉ်းစားနေမိတယ်။
အသေချာဆုံးကတော့ သူတော်စင်မဟုတ်တာပါ။ အတ္တမာန၊ဘ၀င်မိုးထိနေတဲ့ ပုထုဇဉ်တစ်ယောက်ပါ။ ဒါဖြင့် စတုတ္တတစ်မျိုးရော…ဒါလဲ ရဲရဲမပြောနိုင်ပြန်ဘူး။မျှတမှုကို ဂရုထားတတ်ပြီး၊ နိုင်လိုမင်းထက် မပြုချင်သူ ထဲပါတယ်လို့လဲ ထင်မိသေးတယ်။ တစ်ခါတစ်လေတော့လဲ ထင်ရာစိုင်းတဲ့အခါစိုင်းမိနဲ့…အော် ဟိုငြိ ၊ သည် ငြိပါလား………။